जबरी चोरी करणा-या चार आरोपीतांना जेरबंद करुन १,५७,०००/-रु. किं. चा..!
मुद्देमाल केला जप्त.
दिनांक ०८/०२/२०२६ रोजी ०७/३० वा.चे सुमा. फिर्यादी हे त्यांचे मित्रासोबत रिव्हर व्हयु सिटीचे मागील रेल्वे लाईनच्या मोकळ्या जागेत कदमवाक वस्ती, ता. हवेली, जिल्हा-पुणे येथे वॉकिंग करीत असताना ०४ अनोळखी आरोपीतांनी फिर्यादी यांना शिवीगाळ व इच्छापुर्वक दुखापत करुन जबरदस्तीने मोबाईल फोन चोरुन नेला म्हणुन लोणीकाळभोर पोलीस स्टेशन येथे गु.र.नं. ६२/२०२६ भारतीय न्याय संहीता कलम ३५२,३०९ (६),३(५) प्रमाणे गुन्हा नोंद करण्यात आलेला आहे.
दाखल गुन्हयाचे तपासा दरम्यान तपास पथकास गोपनिय बातमीदारामार्फत खात्रीशिर बातमी प्राप्त झाल्याने अवघ्या ०८ तासांत ०४ अज्ञात आरोपीतांना शिताफीने ताब्यात घेऊन त्यांचेकडे दाखल गुन्हयाचे अनुषंगाने तपास केला असता त्यांनी गुन्हा केल्याचे तपासात निष्पन्न झाले. नमुद निष्पन्न आरोपीतांची नाव व पत्ते १) सुजल बाळासाहेब झेंडे, वय २० वर्ष, रा. गुरुदत्त कॉलनी भेकराईनगर, हडपसर पुणे २) शुभम संजय चव्हाण, वय २४ वर्ष, रा. गोसावी वस्ती, हडपसर पुणे ३) ओमकार अशोक चितंलु, वय २१ वर्ष, रा. आनंदनगर सोसायटी, हडपसर पुणे ४) अभिजीत सतिष कांबळे, वय २० वर्ष, रा. कदमवाकवस्ती, ता. हवेली, जि. पुणे अशी आहेत. सदर नमुद आरोपींकडुन लोणी काळभोर पोलीसांनी १,५७,०००/- रु किंमतीचे ०१ मोबाईल फोन, ०२ मोटारसायकल असा मुद्देमाल जप्त करुन गुन्हा उघडकीस आणला आहे.
सदरची कामगिरी मा. पोलीस उप-आयुक्त, परिमंडळ ०६, डॉ. राजकुमार शिंदे, मा. सहा. पोलीस आयुक्त हडपसर विभाग श्रीमती अनुराधा उदमले यांचे मार्गदर्शनाखाली लोणी काळभोर पोलीस स्टेशन कडील पोलीस निरीक्षक गुन्हे श्रीमती स्मिता पाटील, पोलीस उप निरीक्षक अनिल जाधव, पोलीस अंमलदार सागर जगदाळे, रामहरी वणवे, संभाजी देवीकर, अण्णा माने, बाजीराव वीर, प्रविण दडस, सुरज कुंभार, प्रशांत सुतार, सचिन सोनवणे, राहुल कर्डीले व अशोक गिरी यांनी केली.
