हत्तीच्या केसांचे दागिने विकणाऱ्या सराफाविरुद्ध गुन्हा दाखल; वन्यजीव कायद्यान्वये कारवाई

पुणे : पुण्यातून एक मोठी बातमी समोर आली आहे. हत्तीच्या केसांपासून तयार करण्यात आलेले ब्रेसलेट्स, तसेच अंगठ्यांची विक्री केल्याच्या आरोपावरून विश्रामबाग पोलिसांनी शहरातील एका सराफ व्यावसायिकाविरुद्ध वन्यजीव कायद्यान्वये गुन्हा दाखल केला. त्याच्या दुकानातून जप्त करण्यात आलेले दागिने पडताळणीसाठी वन विभागाच्या पथकाकडे सोपविण्यात आले आहेत.

हत्तीचे केस बाळगणे, तसेच विक्री करणे हा वन्यजीव कायद्याने गुन्हा आहे. हत्तीच्या केसांचे दागिने बनवून त्याची विक्री केल्याच्या आरोपावरून कुमठेकर रस्त्यावरील व्ही. आर. घोडके सराफ या पेढीच्या मालकांविरुद्ध विश्रामबाग पोलीस ठाण्यात गुन्हा दाखल करण्यात आला आहे. याबाबत एका वन्यजीवप्रेमी सामाजिक कार्यकर्त्याने विश्रामबाग पोलीस ठाण्यात फिर्याद दिली आहे.

कुमठेकर रस्त्यावरील के. व्ही. घोडके सराफ पेढीकडून हत्तीच्या केसांचे ब्रेसलेट्स आणि अंगठ्यांची विक्री केली जात होती. याबाबत रेडिओवर जाहिरातही प्रसारित करण्यात आली होती. ही जाहिरात ऐकून एका वन्यप्रेमीने बनावट ग्राहक पाठवून अंगठीची खरेदी केली. अंगठी तपासून पाहिली. तेव्हा अंगठीत हत्तीचे केस आढळून आले. त्यानंतर वन्यजीव प्रेमी कार्यकर्त्याने तक्रार केली. पोलिसांच्या पथकाने सराफी पेढीवर छापा टाकून तेथून हत्तीच्या केसांपासून तयार करण्यात आलेल्या अंगठ्या आणि ब्रेसलेट जप्त केली.

संपादक – आरतीताई बाबर 8830914142
उपसंपादक – अकबरजी शिकलकर 8625870039