काँग्रेसचे उमेदवार नसीम खान यांचा उमेदवारी अर्ज दाखल, रॅलीत हजारोंचा जनसागर

मुंबई – काँग्रेस महाविकास आघाडीचे उमेदवार म्हणून काँग्रेस वर्किंग कमिटीचे सदस्य व प्रदेश काँग्रेसचे कार्याध्यक्ष मो. आरिफ (नसीम) खान यांनी आज चांदिवली विधानसभा मतदार संघातून उमेदवारी अर्ज दाखल केला. सकाळी १० वाजता साकीनाका मेट्रो स्टेशनपासून ९० फूटरोड, काजूपाडा पाईपलाईन मार्गे एलबीएस रोड अशी भव्य रॅली काढून जोरदार शक्तिप्रदर्शन करत विद्याविहार येथील निवडणूक निर्णय अधिकारी यांच्या कार्यालयात नसीम खान यांनी नामांकन अर्ज दाखल केला.

नसीम खान यांच्या रॅलीत साकीनाका ते विद्याविहार निवडणूक कार्यालयापर्यंत सुमारे ८ ते १० हजार लोकांचा जनसागरच उसळला होता. जागोजागी महिलांनी त्यांची आरती ओवाळून निवडणुकीत विजयी होण्यासाठी आशीर्वाद दिला. ठिकठिकाणी पुष्प वर्षाव करत जंगी स्वागत करण्यात आले.

यावेळी काँग्रेस प्रदेश उपाध्यक्ष आमदार भाई जगताप, माजी मंत्री सुरेश शेट्टी, मुंबई काँग्रेस कार्याध्यक्ष चरणसिंग सप्रा, शिवसेना (उबाठा) गटाचे विजू शिंदे, सोमनाथ सांगळे, एस. अण्णामलाई, बालाजी सांगळे, सनी आचरेकर, प्रशांत नलगे, हिरालाल यादव, बालकृष्ण गटे, मयूर राठोड, उमाकांत भांगिरे, प्रशांत मोरे, चंदन सावंत, साईनाथ कटके राष्ट्रवादी काँग्रेस (शरद पवार) गटाचे मुंबई सरचिटणीस बाबू बत्तेली, तालुका अध्यक्ष अबू स्वालेहा, रत्नाकर शेट्टी, व्यासदेव पवार, चेतन जाधव, फरमान राईन, शांताराम मोरे, आरिफ शेख, राजेंद्र ढवळे, महिला तालुका अध्यक्षा छाया मयेकर यांच्यासह समाजवादी पक्षासह महाविकास आघाडीतील घटक पक्षाचे नेते व कार्यकर्ते मोठ्या संख्येने उपस्थित होते.

संपादक – आरतीताई बाबर 8830914142
उपसंपादक – अकबरजी शिकलकर 8625870039