विधानसभेसाठी शरदचंद्र पवार पक्षाची जोरदार तयारी, पुण्यात इच्छुकांकडून मागवले अर्ज

पुणे : महाराष्ट्राच्या विधानसभेच्या निवडणुका ऑक्टोबर-नोव्हेंबर महिन्यात होण्याची दाट शक्यता आहे. या निवडणुकीच्या तयारीमध्ये शरद पवारांच्या राष्ट्रवादीने आघाडी घेतली आहे. पक्षाचं मजबूत संघटन आणि प्रत्येक विधानसभा मतदारसंघात असलेल्या इच्छुकांची संख्या पाहता प्रदेशाध्यक्ष जयंत पाटील यांच्या आदेशाने इच्छुक उमेदवारांकडून अर्ज मागवण्यात येत आहेत. इच्छुक उमेदवारांना हा अर्ज पैसे देऊन घ्यावा लागणार आहे. खुल्या प्रवर्गातल्या उमेदवाराला 10 हजार रुपये तर इतर प्रवर्गातल्या उमेदवाराला अर्ज घेण्यासाठी 5 हजार रुपये द्यावे लागणार आहेत.

पुणे शहरातील आठही विधानसभा मतदारसंघातील इच्छुक उमेदवारांकडून अर्ज मागवण्यात येत असून राष्ट्रवादी काँग्रेस भवन, शिवाजीनगर इथे हे अर्ज उपलब्ध आहेत. 29 ऑगस्ट ते 4 सप्टेंबरपर्यंत सकाळी 10 ते संध्याकाळी 7 वाजेपर्यंत अर्ज स्वीकारण्याची मुदत आहे. इच्छुक उमेदवारांनी त्यांचा अर्ज दिलेल्या वेळेत जमा करावा, असं आवाहन राष्ट्रवादी काँग्रेस शरद पवार पक्षाकडून करण्यात येत आहे.

संपादक – आरतीताई बाबर 8830914142
उपसंपादक – अकबरजी शिकलकर 8625870039