जबरी चोरी करणा-या चार आरोपींना केले जेरबंद..!
दि.१२/०४/२०२६ रोजी यातील फिर्यादी व त्यांचा ऑफीसमधील इसमासोबत पायी जात असताना साई रेसिडेंसी समोर सुतारवाडी पुणे येथे चार अनोळखी इसमांनी दोन काळ्या रंगाचे स्कुटर वरुन त्यांचे समोर येवुन तुम्ही आमचे बँकेचे कार्ड घेतले आहे. आम्हाला तुमची झडती घेवुद्या असे म्हणुन त्यांनी जबरीने अंगझडती घेवून मारण्याची धमकी देवुन फिर्यादी यांचे खिशातील ४०,०००/-रुपये रोख जबरीने काढून घेतलेबाबत बाणेर पोलीस स्टेशन येथे गु.र.नं.१११/२०२६ भा.न्या. सं क ३०९ (४), ३ (५) प्रमाणे गुन्हा दाखल करण्यात आला होता.
सदर गुन्हयाचे अनुषंगाने बाणेर पोलीस स्टेशनकडील तपास पथकाचे पोलीस अधिकारी व अंमलदार यांनी घटनास्थळावर मिळुन आलेले सीसीटीव्ही आणि त्याच्या व्यतिरीक्त ७२ सीसीटीव्ही फुटेज चेक करुन त्याद्वारे गुन्हा करणारे आरोपी यांचा पाठलाग करुन दाखल गुन्हयातील आरोपी नामे १) दिनेश बाळु मंडपे, वय-३३ वर्षे, रा. साई अपार्टमेन्ट मागे, आदेशनगर पिंपरी, पुणे २) रोहन रमेश सुर्यवंशी, वय-३१ वर्षे, रा. छोटी मस्जीद जवळ, मिलींद नगर, पिंपरी, पुणे ३) लक्ष्मण कृष्णा वाल्हेकर वय-४६ वर्षे रा.एम बिल्डीग आदर्शनगर, पिंपरी, पुणे ४) संतोष राम कंपा, वय ३१ वर्षे, रा. छत्रपती हौसिंग सोसायटी मिलिंदनगर, पिंपरी पुणे यांना मिलिंदनगर, पिंपरी पुणे येथुन अटक करुन त्यांचेकडे दाखल गुन्ह्याच्या अनुषंगाने चौकशी केली असता आरोपीतांनी सदर गुन्हा केल्याचे कबुल केले. अटक आरोपीकडुन नमुद गुन्ह्यात वापरलेल्या दोन स्कुटर जप्त करण्यात आल्या आहे. गुन्हयाचा अधिक तपास करीत आहेत.
सदरची कामगिरी मा. अपर पोलीस आयुक्त, पश्चिम प्रादेशिक विभाग पुणे शहर, श्री. मनोज पाटील, मा. पोलीस उप आयुक्त, परि.४, श्री. चुलूमुला रजनीकांत, मा. सहा. पोलीस आयुक्त खडकी विभाग, श्री. विठ्ठल दबडे यांचे मार्गदर्शनाखाली बाणेर पोलीस ठाणेचे वरिष्ठ पोलीस निरीक्षक श्री. चंद्रशेखर सावंत, पोलीस निरीक्षक (गुन्हे) श्रीमती अलका सरग यांचे सुचनांप्रमाणे सहा. पोलीस निरीक्षक के. बी डाबेराव, गणेश रायकर, पोलीस अंमलदार बाबा आहेर, किसन शिंगे, गणेश गायकवाड, अतुल इंगळे, गजानन अवातिरक, प्रदिप खरात, शरद राऊत, मराठे, भोईने, पवार यांनी केली आहे.
