हद्दीत दहशत निर्माण करुन तोडफोड करणारे आरोपी केले जेरबंद..!
मुंढवा पोलीस स्टेशन, पुणे शहर गुन्हा रजि. नंबर २७/२०२६ बी.एन.एस. कलम ३२४(४), ३५१(३), ३(५) महा. पो. का. कलम ३७ (१) १३५, क्रिमीनल लॉ अॅमेंडमेंट कलम ३, ७ प्रमाणे गुन्हा दाखल असुन दाखल गुन्ह्यात दिनांक ३१/०१/२०२६ रोजी रात्रौ २१/५० वा.चे सुमारास एका मो.सा. वरुन आलेल्या अनोळखी तीन इसमांनी त्यांचेकडील लोखंडी हत्यारासह बी.टी. कवडे रोड, घोरपडी पुणे येथे येवुन तेथील दुकानांची तोडफोड करुन, दहशत निर्माण केली होती. गुन्हा दाखल झालेनंतर लागलीच तपास पथकाची टिम तयार करुन आरोपीतांचा शोध घेणे चालु केले असता आरोपी नामे राजरत्न कुलदीप खरे, वय २० वर्षे, रा. फ्लॅट नं. ६१०, सहावा मजला, एस. आर.ए. बिल्डींग, भिमनगर, मुंढवा पुणे व त्याचे इतर तीन साथीदार विधीसंघर्षग्रस्त बालक यांना ताब्यात घेण्यात आलेले आहे. दाखल गुन्ह्याचा पुढील तपास पोलीस उपनिरीक्षक युवराज पोमण करीत असुन पुढील कायदेशिर कार्यवाही सुरु आहे.
सदरची कामगीरी मा.अपर पोलीस आयुक्त, श्री. मनोज पाटील, मा. पोलीस उप-आयुक्त, परीमंडळ ६, श्री. राजकुमार शिंदे, सहा. पोलीस आयुक्त श्री. अतुलकुमार नवगिरे यांचे अधिपत्याखाली, मुंढवा पोलीस स्टेशनकडील वरीष्ठ पोलीस निरीक्षक, श्रीमती स्मिता वासनिक यांचे मार्गदर्शनाखाली तपास पथकाचे सहा. पोलीस निरीक्षक, गणेश पिंगुवाले, पोलीस उपनिरीक्षक युवराज पोमण, सहा. पोलीस फौजदार राजु कदम, पोलीस अंमलदार शिवाजी जाधव, योगेश गायकवाड, राहुल मोरे, राहुल धोत्रे, शिवाजी धांडे योगेश राऊत, अक्षय धुमाळ, स्वप्नील रासकर यांचे पथकाने केली.
