हरविलेले / गाहाळ झालेले एकुण २८,३५,०००/- कि.चे. २०९ हस्तगत मोबाईलचे केले वितरण..!

दिनांक २७/११/२०२५ रोजी ११/०० ते १३/०० वा. दरम्यान येरवडा पोलीस स्टेशन, पुणे शहर येथे पोलीस उप-आयुक्त, परिमंडळ ४, पुणे शहर यांचे वतीने नागरीकांचे हरविलेले / गहाळ झालेले हस्तगत मोबाईल वितरण कार्यक्रमाचे आयोजन करण्यात आले.

सदर कार्यक्रमामध्ये परिमंडळ ४ कार्यक्षेत्रामधील एकूण१० पोलीस स्टेशन यांच्याकडे Central Equipment Identity Register या पोर्टलवरुन प्राप्त तक्रारीमधील, तसेच पुणे शहर पोलीस Lost & Found या पोर्टलवरील तक्रारींमधील हस्तगत एकूण २०९ हरविलेले/गहाळ झालेल्या मोबाईलपैकी अंदाजे २८,३५,०००/- रु कि.चे २०९ मोबाईल हजर असणा-या नागरीकांना मा. अपर पोलीस आयुक्त, पूर्व प्रादेशिक विभाग, पुणे शहर श्री. मनोज पाटील, यांच्या हस्ते परत करण्यात आले.

उपस्थित नागरिकांनी “मोबाईलच्या किंमतीपेक्षा आमच्या भावना अनमोल आहेत, आमच्या आठवणी याच्याशी निगडीत आहेत, मोबाईल हे आम्हाला आमच्या जवळच्या व्यक्तींकडून भेट म्हणून आलेले आहेत, आमचा महत्वाचा डेटा आमच्या मोबाईलमध्ये होता, हरविलेला मोबाईल परत मिळेल म्हणून आम्हाला अपेक्षा नव्हती, परंतु पोलीसांमुळे आमचे हरविलेले मोबाईल परतमिळाल्यामुळे आमचा पोलीस यंत्रणेवरचा विश्वास वाढला आहे” अशा भावना व्यक्तकरुन पोलीसांचे आभार व्यक्त केले.

सदर कार्यक्रमास मा. अपर पोलीस आयुक्त, पूर्व प्रादेशिक विभाग, पुणे शहरश्री. मनोज पाटील,, मा. पोलीस उप आयुक्त, परिमंडळ ४, श्री. सोमय मुंडे, मा. सहा. पोलीस आयुक्त, खडकी विभाग, श्री. विठ्ठल दबडे, मा. सहा. पोलीस आयुक्त, येरवडा विभाग श्रीमती प्रांजली सोनवणे, यांच्या सह परिमंडळ ४ मधील १० पोलीस स्टेशनचे वरिष्ठ पोलीस निरीक्षक, तसेच पोलीस अधिकारी व पोलीस अंमलदार व मोठया संख्येने नागरीक उपस्थित होते.