उच्चभ्रु कल्याणीनगर भागात मसाजच्या नावाखाली वेश्याव्यवसाय चालवणा-या स्पा सेंटरवर छापा टाकुन ०२ पिडीत महिलांची सुटका व एक इसमास अटक..!
दिनांक ३१/०३/२०२६ रोजी वरीष्ठ पोलीस निरीक्षक येरवडा पोलीस स्टेशन श्री. अंजुम बागवान यांना मिळालेल्या गोपनीय माहितीवरुन येरवडा पोलीस स्टेशन हद्दीत कल्याणीनगर येथील निरा स्पा सेंटर येथे वेश्याव्यवसाय चालू असलेबाबत माहिती प्राप्त झाली होती. सदर माहितीची पडताळणी करुन बनावट ग्राहक पाठवुन निरा स्पा सेंटर, कल्याणीनगर येथे अचानक छापा टाकुन आरोपी नामे अरमान रहिमउद्दीन हुसेन, वय २१ वर्ष, रा. गल्ली नं.७, तिसरा माळा, विमाननगर, पुणे यास ताब्यात घेऊन त्याने वेश्याव्यवसाय करणास प्रवृत्त केलेल्या ०२ पिडीत महिलांची सुटका करण्यात आली. सदर प्रकरणी सदर आरोपीविरुध्द दि.०१/०४/२०२६ रोजी येरवडा पोलीस स्टेशन गु.र.नं.२०१/२०२६ भा.न्या.सं.क. १४३ (१) (३), ३(५) सह अनैतिक व्यापार प्रतिबंधक अधिनियम कलम ३,४,५ प्रमाणे गुन्हा नोंद करण्यात आला आहे. नमुद आरोपीस अटक करण्यात आले असुन पुढील तपास पोलीस निरीक्षक गुन्हे, येरवडा पोलीस स्टेशन श्री. विजय ठाकर हे करत आहेत.
सदरची कामगिरी मा. अपर पोलीस आयुक्त, पुर्व प्रादेशिक विभाग पुणे शहर श्री. मनोज पाटील, मा.पोलीस उपायुक्त, परिमंडळ ०४ पुणे शहर श्री. चिलुमूला रजनिकांत, मा. सहा. पोलीस आयुक्त, येरवडा विभाग पुणे शहर श्री. सुनिल जैतापुरकर यांचे मार्गदर्शनाखाली वरीष्ठ पोलीस निरीक्षक, येरवडा पोलीस स्टेशन श्री. अंजुम बागवान, पोलीस निरीक्षक गुन्हे श्री. विजय ठाकर यांचे सुचनांप्रमाणे सहा. पोलीस निरी. दिनेशकुमार पाटील, पोलीस उप-निरीक्षक महेश फटांगरे, परी. मपोउनि शुभांगी चव्हाण, पोलीस अंमलदार कांबळे, मुकुंद कोकणे, शैलेश वाबळे, गणेश पालवे, साईनाथ म्हस्के, मोनिका पवार, दिव्या मोरे, सपना म्याना व सुवर्णा साळोखे यांनी केलेली आहे.
