सराईत गुन्हेगारांकडून ०१ पिस्टल व ०४ जिवंत काडतुसे जप्त..!
दिनांक १८/०१/२०२५ रोजी खंडणी विरोधी पथक १, गुन्हे शाखा, पुणे शहर कडील पोलीस उप-निरीचक रामेश्वर पार्वे व पोलीस अंमलदार असे पेट्रोलिंग करीत असताना पोलीस अंमलदार अमोल आवाड व मयुर भोकरे यांना त्याचे गुप्त बातमीदारा मार्फत बातमी मिळाली की, वारजे माळवाडी पोलीस स्टेशनकडील रेकॉर्डवरील आरोपी सागर गणेश सुतार रा वारजे पुणे याच्याकडे गावठी पिस्टल असून तो देशमुखनगर, शिवणे येथे मोकळ्या जागेत बसलेला आहे. अशी मिळालेली बातमी कळवली त्याप्रमाणे पोलीस उप-निरीचक रामेश्वर पार्वे यांनी ती बातमी वरिष्ठ पोलीस निरीक्षक, अश्विनी जगताप यांना सांगितली व त्यांनी दिले आदेशा प्रमाणे बातमीची खात्री करून कारवाई करीत असताना आरोपी नामे सागर गणेश सुतार, वय २५ वर्षे रा. सर्वे नं ४४, दुर्गादेवी मंदिराशेजारी, गणपती माथा, वारजे पुणे यास रोहन दांगट देशमुखनगर, इंगळे कॉर्नर, शिवणे पुणे येथून ताब्यात घेवून त्याची अंगझडती घेतली असता त्याच्याकडे एकूण ४०,८००/- रु.किं. चे १ सिल्व्हर रंगाचे गावठी पिस्टल व त्याचे मॅग्जिनमध्ये ०४ जिवंत काडतुसे असे मिळून आले.
त्याप्रमाणे नमुद आरोपी विरूद्ध उत्तमनगर पो स्टे गु.र.नं. ०५/२०२६ आर्म अॅक्ट क. ३(२५), महाराष्ट्र पोलीस अधिनियम कलम ३७ (१), १३५ अन्वये गुन्हा नोंद करण्यात आला आहे. सदर आरोपी विरूद्ध वारजे माळवाडी, उत्तमनगर व सिंहगडरोड पोलीस स्टेशन येथे खुनाचा प्रयत्न, चोरी व आर्म अॅक्टचे गुन्हे दाखल आहेत. पुढील तपास उत्तमनगर पोलीस स्टेशन पुणे शहर हे करीत आहेत.
सदरची कारवाई मा. अपर पोलीस आयुक्त गुन्हे श्री. पंकज देखमुख, मा. पोलीस उप आयुक्त गुन्हे, श्री. निखील पिंगळे, मा. सहायक पोलीस आयुक्त १, गुन्हे शाखा श्री. विजय कुंभार, यांच्या मार्गदर्शनखाली वरीष्ठ पोलीस निरीक्षक खंडणी विरोधी पथक १, गुन्हे पुणे शहर, श्रीमती अश्विनी जगताप यांचे सुचनेनुसार सहायक पोलीस निरीक्षक राजेश माळेगाव, पोउपनि रामेश्वर पार्वे व पोलीस अंमलदार सयाजी चव्हाण, बालारफी शेख, अमोल आवाड, मयुर भोकरे, दुर्योधन गुरव व नितीन कांबळे यांनी केली.
