मुंबई बँगलोर हायवे लगत परराज्यातील मुलींकडुन देहविक्रीचा व्यवसाय करुन घेणा-या महिला एजंटला केले जेरबंद..!
दि.०७/०७/२०२५ रोजी अंमली पदार्थ विरोधी पथक १ गुन्हे शाखा पुणे शहर कडील पोलीस अधिकारी व पोलीस अमंलदार असे पोलीस आयुक्तालय हद्दीमध्ये पेट्रोलिंग करीत असताना पोलीस निरीक्षक प्रशांत अन्नछत्रे यांना माहिती मिळाली की, सपना कदम नावाची महिला एजंट हि मुलींचे फोटो पाठवून वेश्या गमनसाठी रक्कम ठरवून ग्राहकांना मुली ठरविलेल्या ठिकाणी पाठवते व ते वेश्या गमनाकरिता आलेल्या ग्राहकाकडून ४ हजार रू. नमूद मुली मार्फत अथवा तिचे साथीदाराकडून वेश्या गमनाचे पैसे स्वीकारते. सदरची महिला ही सिंहगड रोड भागात ग्राहकांच्या मागणीनुसार एका हॉटेलमध्ये मुली पुरवते व ती वेश्या व्यवसाय चालविते.
अशी बातमी मिळाल्याने सदर ठिकाणी छापा कारवाई करुन एक पराराज्यातील महिलेची सुटका करुन सदरचा वेश्या व्यवसाय करणारी महिला एजंट नामे सपना राजाराम कदम वय ३६ वर्षे, रा. मु.पो खडकी, ता. तुळजापुर, जि. उस्मानाबाद व तीचे इतर ०३ साथीदारा विरुध्द सिंहगड रोड पोलीस स्टेशन गु.र.नं. ३४१/२०२५ अनैतिक मानवी वाहतूक व्यापार प्रतिबंध अधिनियम १९५६ चे कलम ३,४,५ प्रमाणे गुन्हा नोंद करण्यात आला आहे.
वरील नमुद कारवाई ही मा. पोलीस आयुक्त श्री. अमितेश कुमार, मा. सह पोलीस आयुक्त श्री. रंजन शर्मा, मा. अपर पोलीस आयुक्त, श्री. पंकज देशमुख, मा. पोलीस उप आयुक्त, आर्थिक व सायबर, अति. कार्य गुन्हे, श्री विवेक मासाळ, मा. सहा पो आयुक्त, गुन्हे १ श्री. गणेश इंगळे यांचे मार्गदर्शना खाली अंमली पदार्थ विरोधी पथक, १ गुन्हे शाखा पुणे शहर कडील पोलीस निरीक्षक प्रशांत अन्नछत्रे, सहा पोलीस निरीक्षक अनिल सुरवसे, पोलीस अंमलदार, प्रविण उत्तेकर, विनायक साळवे, सचिन माळवे, संदिप शिर्के, विपुन गायकवाड, सुहास डोगंरे, दयानंद तेलंगे, संदेश काकडे, दत्ताराम जाधव, स्वप्नील मिसाळ यांनी केली आहे.
