मसाज सेंटरच्या नावाखाली वेश्याव्यवसाय करणा-यावर कारवाई करुन चार परदेशी पिडीत महिला व एक भारतीय पिडीत महिलांची केली सुटका..!
पुणे शहर हद्दीमध्ये मसाजसेंटर मध्ये मसाजच्या नावाखाली वेश्याव्यवसाय चालणाऱ्या मसाज पार्लरवर कारवाई करणे बाबत वरिष्ठांनी आदेश दिले होते.
दि.२१/०७/२०२५ रोजी अनैतिक मानवी वाहतुक व्यापार प्रतिबंध कक्ष व युनिट-४, गुन्हे शाखा पुणे शहर यांना “व्हिक्टोरिया थाई स्पा” ईडन पार्क बिल्डींग सी, ६ वा मजला, ऑफीस नंबर ६०१ विमानतळ पुणे येथे मसाज स्पा सेंटरचे नावाखाली वेश्याव्यवसाया करिता मुली ठेवून त्यांना पुरुष गि-हाईकांना मसाजच्या नावाखाली पुरवून त्यांचेकडून वेश्याव्यवसाय करवून घेत असले बाबत खात्रीशीर बातमी गोपनिय बातमीदारामार्फत प्राप्त झाली. सदर बातमीची माहिती पोलीस निरीक्षक श्रीमती आशालता खापरे, अनैतिक मानवी वाहतुक व व्यापार प्रतिबंध कक्ष, गुन्हे शाखा पुणे शहर यांनी वरिष्ठांना कळविली. त्यावर मा. वरिष्ठांनी सदर बातमीची खातरजमा करुन कायदेशिर कारवाई करणे बाबत आदेशित केले.
त्याप्रमाणे बनावट गि-हाईकास पाठवून खात्री करून छापा टाकुन दोन स्पा मॅनेजर व एक स्पा चालक मालक यांचेवर बीएनएस कलम १४३, ३ (५) व अनैतिक मानवी वाहतूक प्रतिबंध कायदा १९५६ चे कलम ३, ४, ५ व ७ अन्वये विमानतळ पोलीस स्टेशन येथे गुन्हा दाखल करुन चार परदेशी महिला व एक भारतीय महिला असे पाच पिडीत महिलांची सुटका करण्यात आली.
सदरची कामगिरी ही मा. पोलीस आयुक्त पुणे शहर श्री. अमितेश कुमार, मा. पोलीस सह आयुक्त पुणे शहर श्री. रंजनकुमार शर्मा, मा.अपर पोलीस आयुक्त, गुन्हे श्री. पंकज देशमुख, मा. पोलीस उप-आयुक्त, गुन्हे, श्री. निखील पिंगळे, यांचे मार्गदर्शनाखाली अनैतिक मानवी वाहतुक व व्यापार प्रतिबंध कक्ष गुन्हे शाखा कडील पोलीस निरीक्षक, श्रीमती आशालता खापरे, सपोफौ अजय राणे, पोलीस अंमलदार तुषार भिवरकर, अमेय रसाळ, ईश्वर आंधळे, म. पोलीस अंमलदार वैशाली खेडेकर, पोलीस अंमलदार अविनाश कोंडे, व किशोर भुजबळ तसेच युनिट-४ कडील पोलीस अमंलदार हरिष जयवंत मोरे, व नागेश कुंवर, यांच्या पथकाने केली.
