नागरीकांचे मोबाईल जबरदस्तीने हिसकावुन चोरी करुन पळुन जाणा-या सराईतांना केले जेरबंद..!
दि.०२/०४/२०२५ रोजी फिर्यादी हे त्यांचे दुकानाबाहेर उभे असताना ०३ अनोळखी इसम त्यांचेकडील लालकाळया रंगाचे मोटरसायकल वरुन फिर्यादी यांचे जवळ येवुन फिर्यादीचे हातातील मोबाईल फोन जबरदस्तीने हिसकावुन चोरी करुन पळुन गेले असलेबाबत दि.०३/०४/२०२५ रोजी समर्थ पोलीस स्टेशन येथे तक्रार दिल्यावरुन गु.र.न.६५/२०२५ भा. न्या. संहीता कलम ३०४(२), ३(५) प्रमाणे गुन्हा नोंद करण्यात आला आहे.
दाखल गुन्हा उघडकीस आणने करीता मा. वरिष्ठांचे आदेशाने समर्थ पोलीस स्टेशनकडील तपास पथक हे सदर परीसरातील सीसीटीव्ही फुटेज व गोपनिय बातमीदार यांचे मदतीने आरोपींचा शोध घेत असताना उतारा चौक, सोमवारपेठ येथे एका मोटरसायकलवर ०३ संशयीत इसम मिळुन आल्याने त्यांना ताब्यात घेवुन समर्थ पोलीस स्टेशन येथे आणुन त्यांचे नाव व पत्ता विचारले असता त्यांनी त्यांची नावे १) अनिकेत अमर ढगे वय २५ वर्षे, रा. कात्रज कोंढवा रोड, खोपडे नगर, पुणे २) साहील नासीर सय्यद वय २७ वर्षे, रा. घोरपडी पेठ, पिएमसी कॉलनी, पुणे ३) प्रणव प्रकाश ठाकुर वय २४ वर्षे, रा. फुलवाला चौक, २०४ रविवार पेठ, पुणे असे असल्याचे सांगीतलेवरुन सदर इसमांचे पुर्व गुन्हे अभिलेख तपासले असता यातील आरोपी क्र.०१ याचेवर ०७ जबरी चोरी व शरीराविरुद्धचे गुन्हे, आरोपी क्र.०२ याचेवर ०७ चोरी व शरीराविरुद्धचे गुन्हे व आरोपी क्र.०३ याचेवर ०३ चोरी व शरिराविरुद्धचे गुन्हे दाखल असल्याची माहीती प्राप्त झाल्यानंतर पंचांसमक्ष सदर इसमांची व त्यांचेकडील मोटरसायकलची झडती घेतली असता त्यांचेकडे असलेल्या मोटरसायकलचे डिक्कीमध्ये वेगवेगळया कंपनीचे ०४ मोबाईल फोन मिळुन आल्याने सदरबाबत त्यांचेकडे कसुन चौकशी केली असता त्यांनी सदरचे मोबाईल फोन पुणे शहर परीसरातुन चोरी केल्याची कबुली दिलेवरुन सदरबाबत माहीती घेतली असता त्यातील रेड मी कंपीचा मोबाईल फोन चोरी गेल्याबाबत समर्थ पोलीस स्टेशन येथे गु.र.न.६५/२०२५ भा.न्या.सं. कलम ३०४ (२), ३(५) प्रमाणे गुन्हा दाखल असल्याची खात्री झाल्याने नमुद आरोपींना दाखल गुन्हयात अटक करण्यात आली असुन त्यांचेकडुन चोरीचे ०४ मोबाईल फोन जप्त करण्यात आले आहेत.
सदरची कामगिरी ही मा. अपर पोलीस आयुक्त, पश्चिम प्रादेशीक विभाग, पुणे शहर श्री. प्रविण पाटील मा. पोलीस उप-आयुक्त परि.०१, पुणे श्री. संदीपसिंह गिल्ल मा. सहाय्यक पोलीस आयुक्त, फरासखाना विभाग, पुणे श्रीमती. अनुजा देशमाने, समर्थ पोलीस स्टेशनचे वरिष्ठ पोलीस निरीक्षक श्री. उमेश गित्ते यांचे मार्गदर्शनानुसार तपास पथकातील पोलीस उप-निरीक्षक जालिंदर फडतरे, सहा. पोलीस उप-निरीक्षक संतोष पागार, पोलीस अंमलदार रोहीदास वाघेरे, इम्रान शेख, रविंद्र औचरे, रहीम शेख, अमोल गावडे, कल्याण बोराडे, शरद घोरपडे, भाग्येश यादव यांनी केली आहे.
